Ismaili: Dhuntia e Donika Gërvallës është: njëherë flet – dy herë ngatërrohet

Besa Ismaili – Ahmeti i ka kritikuar deklaratat e zëvendëskryeministres në detyrë, njëherit ministres së Punëve të Jashtme, Donika Gërvalla, e cila ka thënë se “në Mitrovicë po përlsalen konceptet e Hashim Thacit dhe Albin Kurtit”.

Ismaili-Ahmeti shkruan se ajo njëherë flet e dy herë ngatërrohet.“Dhuntia e Donika Gërvallës është: njëherë flet – dy herë ngatërrohet. Në titullin që shihni më poshtë, atë që vlente për Thaçin e kishte thënë për Kurtin, dhe anasjelltas. Megjithatë, ato që ish-ministrja i ngatërroi, populli i di mirë: në Mitrovicë realisht po përplasen e vërteta dhe mashtrimi.

Në këtë betejë të koncepteve, nëse ende ka dikush që ka dilemë, mjafton të lexojë/të dëgjojë Donikën, kështu bindet se e vërteta është e kundërta e pohimeve të saj”, ka shkruar ajo.