Lajçak e lë të hapur mundësinë e ndryshimit të kushtetutave të Kosovës dhe Serbisë

Emisari Special i Bashkimit Evropian për dialogun Kosovë-Serbi Miroslav Lajçak vlerëson se marrëveshja finale mes Kosovës dhe Serbisë nënkupton edhe ndryshme ligjore në nivel kushtetues tek të dyja vendet.

Diplomati sllovak që është i ngarkuar për ndërmjetësim të bisedimeve mes Kosovës dhe Serbisë ka thënë se nëse arrihet pajtueshmëria mes dy shteteve është e nevojshme që të ketë rregullime ligjore.

“Sidoqoftë, pasi që vendet të arrijnë një marrëveshje ndërkombëtare, rregullimet e nevojshme ligjore ka të ngjarë që të jetë të nevojshme që të përfshihen në nivel kushtetues, në mënyrë që të integrohet ajo për të cilën është gjetur pajtueshmëria dhe është nënshkruar sipas rendit të brendshëm ligjor. Kjo vlen si për Kosovën ashtu edhe për Serbinë. Për më tepër, marrëveshja përfundimtare ligjërisht e obligueshme për normalizim të marrëdhënieve në mes të dyja palëve”, ka thënë ai për klankosova.tv

Lajçak i cili ka marrë mandatin e ndërmjetësuesit të BE’së do t’i udhëheqë bisedimet mes palëve deri në prill 2021 me mundësi të zgjatjes së mandatit.

Dialogu mes dy shteteve ka rifilluar në korrik të këtij viti pas 20 muajsh ndërprerje.

Takim i fundit ishte më 10 dhjetor në nivel të ekspertëve, ku kanë diskutuar për pronat dhe pretendimet e përbashkëta financiare.

I dërguari i BE’së, ka paralajmëruar raundin e ri të bisedimeve në vitin 2021 pa specifikuar muajin e saktë./GazetaExpress/