Arbër Ismajli: Skifterat brigadë ushtrie sakrifikuan shumë për SC Gjilanin

Gjilan – Nënkryetari i Komunës së Gjilanit, Arbër Ismajli, i cili është një adhurues i flakët i sportit, në shenjë të 21 vjetorit të themelimit të grupit të tifozëve “Skifterat”, ka uruar “kuqebardhët” për këtë përvjetor të rëndësishëm historik.

Ismajli në rrjetin e tij social “facebook” në urimin e tij për tifogrupin “Skifterat”, ka shkruar:

Të dashur qytetarë,
Sot, 21 vite më parë u themelua zëri i fuqishëm i tribunave, sakrifica dhe atdhedashuria për klubin, e mbi të gjitha, kultura identifikuese e S.C Gjilanit, siç janë zëri i tyre i pashembullt, Ultras Skifterat.
Kjo brigadë ushtrie, sakrifikuan shumë për klubin e tyre, duke e shoqëruar skuadrën anë e kënd ku bëhej fjalë, duke i dhënë motiv shtesë për t’u angazhuar e shënuar.
E falënderojmë thellësisht nga zemra këtë grup të zjarrtë, të cilët po na bëjnë krenar kudo që janë në mbështetje të klubit të zemrës së tyre, duke shfaqur identitet e kulturë të kryeqytetit të sportit, siç dinë më së miri, qyteti i Gjilanit./rajonipress/