Selmy Brno mposht Dritën edhe në ndeshjen e dytë

Volejbollistet nga Çekia të skuadrës Selmy Brno në cilësinë e vendësve në Palestrën Sportive “Bashkim Selishta – Petriti” kanë mposhtur “bardh e kaltërt” e Dritës me rezultat 3-0.

Skuadra Çeke mbas marrëveshjes që arritën me skuadrën e Dritës për shkak pandemisë COVID-19 që ndeshjen e 1-16 së finales CEV Cup ta zhvilloj edhe ndeshjen e dytë në Gjilan, Volejbollistet nga Çekia edhe njëherë dëshmuan se është një skuadër shumë e fortë me volejbolliste të klasit të lartë.

Si në ndeshjen e mbrëmshme poashtu edhe në të sotmen mysafiret dominuan plotësisht me shtatlartësin e tyre dhe me përvojën që kishin.

Në setin e parë volejbollistet e Dritës pësuan me rezultat 14-25 të dytin 19-25 ndërsa i seti i tretë përfundoi me rezultat 18-25.

Volejbollistet e Dritës vetëm në setin e tretë arritën të ju bëjnë ballë lojës së mysafirëve por tek rezultati 15-15 mysafiret edhe njëherë rikthejnë rezultatin duke e përmbyll në epërsi të tyre.

Me këtë ndeshje skuadra e Dritës përshëndetet nga garat evropiane CEV Cup./rajonipress/