Shkodran Mustafi afër rikthimit në Gjermani – Eintracht Frankfurti me ofertë për mbrojtësin shqiptar

Shkodran Mustafi mund të largohet në afatin kalimtar të janarit nga Arsenali, për t’u rikthyer në Gjermani.

Mbrojtësi shqiptar po kërkohet nga Eintracht Frankfurti që është i gatshëm të bëjë ofertë për mbrojtësi shqiptar.

Mbrojtësi 28-vjeçar nuk ka shumë hapësira te skuadra londineze, andaj largimi i tij në afatin e janarit ka shumë gjasa të ndodhë.

Mustafi tashmë është i njoftuar me Bundesligën, shkaku që në të kaluarën kishte luajtur për Hamburgun, për të kaluar më pas te skuadrat si, Evertoni, Sampdoria, Valencia, dhe së fundmi te The Gunners.

Transfermarkt bën të ditur se mbrojtësi shqiptar ka një vlerë rreth 12 milionë euro, mirëpo Arsenali mund të mos e lejojë largimin e tij për së paku 20 milionë.

Kujtojmë se Mustafi ka kontratë me klubin londinez deri në verën e vitit të ardhshëm dhe shitja e tij në janar do të ishte më e mira për klubin, për mos t’u larguar si lojtar i lirë. /Telegrafi/