Ndërron jetë Agim Shkodra, hendbollisti, trajneri dhe ish – Përzgjedhës i grupmoshave të Kosovës

Gjilan – Në moshën 59 vjeçare ka ndërruar jetë Agim Shkodra, ish-hendbollisti (portieri) i KH Drita, trajner i shumë skuadrave të Kosovës siç janë Kastrioti nga Ferizaj e Vicianet nga Vushtria, Prishtina e një kohë të gjatë kishte mbrojtur ngjyrat e Buduqunostit të Pejës.

Ish-trajneri Agim Shkodra një kohë të gjatë ishte edhe Përzgjedhës i Kombëtares së Kosovës në konkurrencën e femrave dhe ishte shumë herë Përzgjedhës i Kombëtares në grupmosha të ndryshme.

Shkodra karrierën e kishte filluar në KH Drita duke zhvilluar aktivitetin e tij dy dekada ne lojën e hendbollit.

Puna e ish-trajnerit Shkodra, do t`i mungon jo vetëm hendbollit Gjilanas por edhe atij të Kosovës, pasi Shkodra ka nxjerrë nga duart e tij shumë talent e talent që dikur më vonë kanë qenë hendbollist kryesorë në klubet e tyre.

Shkodra ishte pionierë i hendbollit të Gjilanit duke dëshmuar kualitete të larta në mes portave, ai ishte një sportist që gjatë do ta kujtojmë për punën e tij shembullore si edukative poashtu edhe profesionale.

Agim Shkodra ishte dhe do të mbetet Ikonë e hendbollit Gjilanas.

Varrimi i të ndjerit bëhet sot në ora 14:00 në varrezat e qytetit në Gjilan./rajonipress/