Mesfushori shqiptar që po shkëlqen në Slloveni: Kam oferta nga Spanja

Endri Çekiç po kalon një moment mjaft të mirë, me skuadrën e Olimpijas së Ljubljanës në kampionatin slloven. Futbollisti pogradecar, realizoi edhe këtë fundjavë në triumfin 6-0 ndaj Rudarit, teksa me një gjuajtje mjeshtërore nga goditja e dënimit, shtangu portierin kundërshtar.

Shqiptari është shndërruar në një protagonist absolut te skuadra e tij, teksa oferta për të nuk kanë munguar. Në një prononcim për “Zona Gol”, Çekiçi ka zbuluar se ka oferta nga klube spanjolle dhe polake, teksa në merkaton e janarit mund të vijë transferimi i shumëpritur.

“Kam oferta nga klube spanjolle dhe polake, në merkaton e janarit mund të bëj transferimin. Përsa i përket Kombëtares, nuk kam biseduar me Rejën, por lumturohem që isha në listën e pritjes”, u shpreh Çekiçi.