Gjilani mposht kampionin aktual Feronikelin në Drenas

Gjilani ka arritur që në stadiumin “Rexhep Rexhepi” në Drenas, me plot meritë ta mposht kampionin aktual Feronikelin në dramën që u zhvillua në minutat e fundit të këtij ballafaqimi.

“Bardh e kuqët” e Gjilanit edhe pse ishin në disavantazh ndaj kampionit Feronikelit, në 9 minuta e fundit të ndeshjes arritën të shënojnë dy herë në portën e Smakiqit për ti marrë tri pikë tejet të vlefshme çka ju mundëson të kryesojnë në tabelën e Superligës së Kosovës.

Në një ndeshje tejet interesante e dramatike dy skuadrat krijuan një mori rastesh në portat kundërshtare.

Futbollistët vendas ishin ata që rrezikuan portën e Haxhihamzës në minutën 5 e 15, nëpërmjet Fazliut por gjuajtjet e tij me sukses i ndal Haxhihamza.

Edhe sulmuesi Mendurim Hoti në minutën e 33-të, provon por edhe kësaj radhe Haxhihamza ishte në vend.

Arbitri kësaj ndeshje Tefik Maloku në minutën e 45-të, ka mundur shumë lehtë të akordon penallti pasi në mënyrë të palejuar ndalet sulmuesi i Gjilanit Bedri Greca nga Lladrovci por Maloku nuk mendoi ashtu.

Në minutën e 50-të, sulmuesi Hoti gjendet në rast shënimi por Haxhihamza edhe njëherë shpëton portën e tij.

Në minutën e 58-të, Greca i Gjilanit gjuan mbi portën e Smakiqit.

Në minutën e 73-të, Da Silva i Feronikelit pasi pranon një top nga thellësia nga 12 metra arrin ta gjen rrjetën e portierit të Gjilanit, Kenan Haxhihamzës, duke kaluar ekipen e tij në epërsi 1-0.

Në minutën e 81-të, pas harkimit nga këndi qendërmbrojtësi Franc Veliu me kokë gjen rrjetën e Smakiqit për të barazuar 1-1.

Pesë minuta para përfundimit të ndeshjes pas një harkimi nga këndi, kapiteni Ylber Kastrati shënon nga 12 metra duke e lënë të shtangur portierin Smakiqin dhe duke i siguruar tri pikë të mëdha për ti prirë tabelës së klasifikimit.

Trajneri i Gjilanit, Gentjan Mezani, pas ndeshjes ka deklaruar:
“Bëmë një lojë të bukur, në këtë ndeshje nuk fitoi vetëm Gjilani por fitoi futbolli i Kosovës, këto pikë janë shumë të vlefshme golat u shënuan nga dy qendërmbrojtës dhe kjo është e mira e Gjilanit ne do të qëndrojmë me këmbë në tokë pasi na presin sfidat e radhës”.

Ndërsa, trajneri i Feronikelit, Tomisllav Vukiqeviq i dëshpëruar ka deklaruar.
“E patëm lojën në dorë nuk shënuam dhe kështu e ka futbolli, pësuam dy gola nga goditja nga këndi dhe kjo nuk tolerohet, Gjilani dëshmoi se është skuadër shumë e fortë dhe ne humbëm tri pikë shumë të vlefshme”.

Gjilani në javën e 11 do të ballafaqohet me Llapin në Gjilan./rajonipress/