Fajon uron Kurtin e VV’në: Koha për t’i bërë fjalët vepra

Raportuesja për Kosovën në Parlamentin Evropian, sllovenja Tanja Fajon, ka përshëndetur procesin e djeshëm zgjedhor, pasi sipas saj ka qenë i qetë dhe demokratik.

Fajon ka thënë se rezultati i zgjedhjeve tregon që qytetarët kanë votuar për ndryshim dhe tashmë është koha që fjalët të shndërrohen në vepra.

“Dua që të përgëzoj Kosovën për zgjedhjet e djeshme të drejta dhe demokratike. Njerëzit kanë votuar për ndryshim dhe tani është koha që fjalët të shndërrohen në vepra”, ka thënë Fajon, raporton Gazeta Express.

Tutje ajo ka uruar edhe Lëvizjen Vetëvendosje për fitoren dhe kandidatin e saj të nominuar për kryeministër, Albin Kurtin.

“Uroj Lëvizjen Vetëvendosje, për fitoren dhe të nominuarin për kryeministër, Albin Kurtin”, ka përfunduar Fajon në profilin e saj në ‘facebook’.

Fajon ndryshe është avokuesja më e madhe në Parlament Evropian që Kosovës t’i liberaizohen vizat./GazetaExpress/