Sabri Fejzullahu për 50 vite ka kënduar gati 1000 këngë të tija

“Në 50 vite karrierë, nuk kam pushuar një ditë dhe kam kënduar 998 këngë që janë të gjitha të miat”. Kjo ka qenë deklarata e bujshme që ka bërë në emisionin Oktapod të Turjan Hyskës, këngëtari i mirënjohur nga Kosova, Sabri Fejzullahu.

Gjatë intervistës, Fejzullahu tashmë 71 vjecar, ka ndarë shumë kujtime të jetës së tij, që nga kontakti i parë me Shqipërinë, para viteve ’70, si aktor i dramës “Gjenerali i Ushtrisë së Vdekur” të Kadaresë, e deri në koncertet e ditëve të sotme.

Duke njoftuar shifrën “rekord” të këngëve të tij, Sabri Fejzullahu nuk e konsideron si limit atë shifër, pasi njoftoi se në muajin qershor të këtij viti, do të lancojë një tjetër album me 8 këngë të reja.

Gjatë rikthimit emocional që ka bërë ndër vite, këngëtari nga Kosova tha me krenari se audienca e tij, i përket moshës nga 16 deri në 30 vjec, fakt ky që edhe argumenton suksesin aktual të tij.