Zyrtare: Liridon Latifi largohet nga Hungaria, firmos kontratë në këtë shtet

Sulmuesi Liridon Latifi i ka dhënë fund aventurës me Akademinë Puskas pas dy sezonesh me probleme. Sulmuesi i krahut ka nënshkruar me Sheriff Tiraspolin.

25-vjeçari ka kaluar tek ekipi historik i Moldavisë. Shqiptari merret si një afrim i goditur për të ndihmuar moldavët në Kupat e Europës. Ai do të vazhdojë karrierën e tij në këtë shtet duke lënë pas Hungarinë.

Shqiptari i Kosovës shpreson që karriera e tij të marrë një tjetër hov, pasi humbi dhe kombëtaren e Shqipërisë në Hungari. Sheriffi është një emër që njihet në Shqipëri, pasi para dy sezonesh eliminoi Kukësin nga Europa.

Latifi luajti për dy sezone me Puskas dhe arriti të luante vetëm 29 ndeshje, 10 në formacion dhe shënoi vetëm 1 gol.

Ai para se të kalonte te Puskas, ka luajtur me shumë sukses te Skënderbeu i Korçës, klub nga i cili u transferua nga FC Prishtina.