Falet namazi i Fitër Bajramit
RajoniPress
06:55, 4 Qershor, 2019
Besimtarët musliman kanë falur namazin e Fitër Bajramit, apo siç njihet ndryshe ‘Bajramit të Madh’, festë kjo që erdhi pas muajit të Ramazanit.
Manifestimi qendror në Kosovë u mbajt në Xhaminë e Madhe në Prishtinë.
Ai filloi në orën 04:11 me faljen e namazit të sabahut, ndërsa pas saj kishte një ligjëratë tematike nga dr. Ejup Haziri – anëtar i Kryesinë në Bashkësinë Islame të Kosovës, shkruan zeri.info.
Falja e namazit të Fitër Bajramit filloi ashtu siç parashihej, në orën 05:36 ndërsa asaj i priu Vedat ef. Sahiti – këshilltar i Myftiut të Kosovës.
Pas faljes, myftiu Tërnava e mbajti hytben me ç’rast edhe iu drejtua besimtarëve me një mesazh.
Kujtojmë që BIK-u sot në ditën e parë të Fitër Bajramit organizon pritje në selinë e Kryesisë nga ora 09-12.
“Zeri.info” dhe gazeta “Zëri” ua urojnë të gjithë besimtarëve festën e Fitër Bajramit/ZERI
