Sipas Igli Tares, ky është futbollisti më i mirë shqiptar

I ftuari i fundit në emisionin “Në Kurthin e Piter Pan”, por jo më pak i rëndësishmi, ishte drejtori sportiv i Lazios, Igli Tare.

Ish-futbollisti shqiptar rrëfeu momentet e tij më të bukura në fushë, ku do të veçonte daljen e tij të parë në fushën e blertë.

Pyetjet për pasionin e tij më të madh futbollin ishin ato që kryesuan listën e gazetarëve të vegjël të Kurthit të Piter Panit.

Një pyetje “e sikltshme” se cili është futbollisti i huaj dhe shqiptar që ai pëlqen më shumë e vuri paksa në vështirësi Iglin. Nga të huajt e kishte të shpejtë zgjedhjen: “Van Basten” një futbollist holandez.

Igli zgjodhi një nga miqtë e tij më të mirë, Besnik Hasin, por shtoi edhe ish-kapitenin legjendar të kombëtares shqiptare Lorik Canën.

“Të gjithë kanë dhënë kontributin e tyre në fushë, por do të veçoja një futbollist që ne e kemi rritur në fushë dhe ai është Lorik Cana”,-u shpreh Tare.