Hoti: Sjellja e sotme e presidentit para deputetëve, skandaloze

Shefi i Grupit Parlamentar të LDK-së, Avdullah Hoti, me anë të një postimi në Facebook ka thënë se sjellja e sotme e presidentit Hashim Thaçi para deputetëve është skandaloze.

Presidenti i Kosovës Hashim Thaci sot para komisionit hetimor për ‘gulenistët’ ka pas përplasje me disa nga deputetët e sidomos me deputetin e VV-së, Sami Kurteshi, si dhe me atë të LDK-së, Anton Quni.

Postimi i Hotit në Facebook:

Është skandaloze sjellja e sotme e presidentit para deputetëve. Fyerjet e tij ndaj deputetëve, por edhe të deputetëve të PDK-së ndaj deputetëve të LDK-së, kanë treguar edhe më qartë për nevojën e madhe që ka Kosova për t’u liruar nga kjo kastë qeverisëse. /Telegrafi/