Xhaka dhe Mustafi, shqiptarët e vetëm në Evropë
RajoniPress
07:56, 20 Prill, 2019
Granit Xhaka dhe Shkodran Mustafi janë shqiptarët e vetëm të mbetur në garat evropiane
Liga e Kampionëve dhe Liga e Evropës po shkojnë drejt fazës finale, ku tashmë dihen çiftet gjysmëfinale.
Në këto dy gara kishte disa futbollistë shqiptarë, sidomos në Ligën e Evropës, por kanë ‘mbijetuar’ vetëm Granit Xhaka dhe Shkodran Mustafi, shkruan albinfo.ch.
Arsenali eliminoi Napoli, derisa në gjysmëfinale ndeshet me Valencian. Kundër Napolit, Xhaka luajti 61 minuta dhe u notua me 7.3.
“Puna me italianët është kryer. Dhe udhëtimi vazhdon. Ndalesa tjetër është Valencia. Spanjë”, ka shkruar ai në llogarinë personale në Instagram.
Arsenal ka gjasa të mëdha të fitojë këtë trofe, që do t’i siguronte pjesëmarrjen për Ligën e Kampionëve në edicionin e ardhshëm.
https://www.albinfo.ch/xhaka-dhe-mustafi-shqiptaret-e-vetem-ne-evrope/
