Trajneri i Grasshopersit përjashton tre shqiptarë nga skuadra, Ajeti, Tarashaj dhe Asllani e pësojnë

Tomislav Stipic që është trajneri ri te Grasshopersit në Zvicër, por ka marr një vendim, i cili i ka prekur edhe tre shqiptarët Arlind Ajeti, Shani Tarashaj dhe Mersim Asllani.

Ai i kishte vetëm dy ndeshje si trajner para se të fillonin ndeshjet e kombëtareve, ku përgjatë kësaj pauze, ka punuar me skuadrën, dhe ka marrë disa vendime drastike.

Stipic nuk llogarit më tek shqiptarët Arlind Ajeti, Shani Tarashaj dhe Mersim Asllani.

Nga ku vendim kanë pësuar edhe Raphael Holzhauser, Nikola Gjorgjev dhe Julien Ngoy.

Shumica prej këtyre lojtarëve ishin me kombëtaret e tyre në grumbullime.

Ata do të jenë vetëm në ekipin e dytë, pasi mesa duket nuk kanë përmbushur pritshmëritë e trajnerit.

“Ata nuk ishin me ne në Itali. Ata nuk janë më në ekip. Nuk ka kthim mbrapa”, ka thënë trajneri Stipic. /Telegrafi/