Rrahmani: Duhet të luajmë si skuadër ndaj Danimarkës, duhet të provojmë në kundërsulme

Së bashku me trajnerin Bernard Challandes në konferencën për media të Përfaqësueses së Kosovës para ndeshjes ndaj Danimarkës është paraqitur edhe mbrojtësi Amir Rrahmani.

25-vjeçari ndeshjen ndaj Danimarkës nuk e shikon vetëm një test për mbrojtjen, por për gjithë skuadrën.

“Normalisht që Danimarka ka ekip shumë të mirë, është një ndeshje ndryshe nga ato që kemi luajtur në Ligën e Kombeve, ky nuk është test vetëm për mbrojtjen, por për gjithë ekipin dhe duhet ta kalojmë si skuadër”.

“Në fazën mbrojtje nuk ka ndonjë mungesa, Valoni është i rëndësishëm për skuadrën, por besoj se kemi lojtarë që mund ta zëvendësojnë. Kosova ka fond të mjaftueshëm të lojtarëve, askush nuk e ka vendin e garantuar, të gjithë duhet ta meritojnë”.

“Danimarka është ekip shumë i mirë, ata janë eliminuar në çerekfinale të Botërorit nga Kroacia në penallti. Duhet të luajmë si skuadër dhe të mundohemi në kundërsulme pasi ata janë një ekip shumë i mirë”.

“Të luash për Kosovën? Të përfaqësosh vendin tënd është një ndjen e veçantë, është një ndjenjë që nuk krahasohet me asgjë”, ka thënë Rrahmani. /Telegrafi/