Hekuran Kryeziu i bashkohet përfaqësueses së Kosovës

Edhe një lojtar i është bashkuar grumbullimit të lojtarit para ndeshjes miqësore dhe kualifikueseve të Euro 2020.

Futbollistët e Përfaqësueses së Kosovës po e presin me padurim paraqitjen para tifozëve të tyre të flaktë në ndeshjen miqësore kundër Danimarkës.

Atmosfera në ekip është shumë e mirë, derisa pjesës tjetër të futbollistëve iu ka bashkuar edhe Hekuran Kryeziu.

Futbollistët e përfaqësueses gjatë stërvitjes

Mesfushori në fundjavë pësoi një lëndim te skuadra Zurichut dhe ende nuk dihet nëse do të luajë në ndeshjen e nesërme.

Në fakt, tani mbetet të shihet gjendja e fundit e lojtarit gjatë seancës së sotme stërvitore nga përzgjedhësi Bernard Challandes dhe stafi i kombëtares.

Ndryshe, ndeshja mes Kosovës dhe Danimarkës do të zhvillohet gjatë ditës së nesërme në stadiumin “Fadil Vokrri” në Prishtinë, në orën 19:00. /Telegrafi/