Shpërblehet Vedat Muriqi pas dy golave në Turqi
RajoniPress
17:24, 10 Mars, 2019
Muriqi është vlerësuar si lojtari më i mirë në ndeshjen Rizespor – Kayserispor.
Vedat Muriqi ka vazhduar me formën fantastike në Superligën e Turqisë, raporton gazeta Express.
Sulmuesi i Kosovës është në top formë para ndeshjeve të “Dardanëve” më 21 mars kundër Danimarkës dhe me 25 mars kundër Bullgarisë.
24-vjeçari ka shënuar dy gola në fitoren 3-0 të Rizespor ndaj Kayserispor, e vlefshme për xhiron e 25 të Superligës turke.
Muriqi zhbllokoi rezultatin në këtë takim duke shënuar për 1-0 në minutën e 22’, kurse goli i dytë personal në këtë takim dhe të tretin për ekipin, e realizoi në minutën e 66’ nga penalltia.
Pas këtyre dy golave, Muriqi ka shkuar në kuotën e 10 finalizimeve këtë sezon – golashënuesi i pestë më i mirë në Turqi.
Për shkak të dy golave, Muriqi u vlerësuar si lojtari më i mirë në këtë takim, duke marrë notën më të lartë, 8.2. /Gazeta Express/
