Milot Rashica, muskulaturën si të Xherdan Shaqirit e Roberto Carlosit!
RajoniPress
19:03, 21 Shkurt, 2019
Milot Rashica e ka shfaqur muskulaturën e tij të këmbëve në foton e publikuar së fundmi në Instagram.
Milot Rashica është duke u bërë gati për ndeshjen e nesërme ndaj Stuttgarit, shkruan Gazeta Express.
Futbollisti kosovar duket se iu ka dhënë fund dhimbjeve të shpinës dhe është 100 për qind i gatshëm për ta ndihmuar Werder Bremenin në Bundesligë.
Anësori vushtrrias e ka postuar një fotografi sot në Instastory ku shihet duke u stërvitur.
Por, ajo që bie në sy është muskulatura në kofshët e tij të këmbës.
Muskujt e tij mund të krahasohen lirisht me ata të Xherdan Shaqirit, apo edhe të ish-futbollistit brazilian, Roberto Carlos.
Werderi pret shumë nga Rashica këtë sezon, e po ashtu edhe Përfaqësuesja e Kosovës, e cila do të luajë në kualifikimet e Evropianit 2020.
Rashica i ka realizuar 4 gola në vitin 2019 dhe po shfaq formë të jashtëzakonshme. /Gazeta Express
