Walker: Kosova t’i dalë zot vetes, të mos tërhiqet zvarrë nga ndërkombëtarët

Ish-ambasadori i OSBE’së në Kosovë dhe miku i shqiptarëve, William Walker, ka thënë se Kosova duhet t’i dalë zot vetes. “Kosova duhet të bëj sa më shumë që t’i dalë zot vetës dhe të tregojë se bashkësia ndërkombëtare nuk mund ta tërheqë zvarrë – kjo do të jetë më mirë”, ka thënë Walker në një intervistë në Klan Kosova.

“Bashkësia ndërkombëtare shpesh disa veprime i bën për nevoja të veta, jo për nevoja të Kosovës”.

“Bota e jashtme Kosovën dhe Serbinë i sheh në mënyrë shumë të ndryshme. Baraspeshë nuk ka. Madje ata i frikësohen idesë së Shqipërisë së Madhe, thuajse kjo do të ndodh menjëherë si të njihet Kosova nga Serbia”.