Shabani llogaritet si Mulleri i ri në Gjermani: Është shumë i talentuar

Meritan Shabani ka debutuar edicionin e kaluar me gjigantin gjerman Bayern Munich.

Ylli nga Kosova po llogaritet si e ardhmja e Bayernit dhe për këtë ka folur edhe ish-futbollisti i Bayernit, Michael Tarnat.

Në një prononcim për t-online.de, Tarnat ka folur për futbollistët e talentuar të Bayernit.

Sipas ish-mbrojtësit të majtë, Shabani është një talent i madh dhe mund të llogaritet si Mulleri i ri.

“Shabani një Muller i ri? Bayerni i merr gjërat seriozisht. Drejtori Salihamidzic i ka ofruar kontrata profesionale shumë lojtarëve të rinj pasi beson shumë në ta. Mund të thuhet se një Muller i ri po vije”, tha Tarnat.

Tutje ish-reprezentuesi gjerman thotë se te Bayerni ka shumë presion për të fituar tituj.

“Problemi është se te Bayerni ka gjithmonë presion për të fituar tituj, sidomos Ligën e Kampionëve dhe kjo është e vështirë për talentet”.

“Që nga koha kur i kam trajnuar unë, e di se në klub ka shumë lojtarë të talentuar si Shabani e Mai të cilët kanë të ardhme të ndritur”, ka thënë Tarnat. /Telegrafi/