Sulmuesi i Kosovës Kastrati realizon het-trik në fitoren e Lokomotiva Zagrebit ndaj Belupos

Sulmuesi anësor i ekipit kombëtar U-21 të Kosovës, Lirim Kastrati, ka bërë një paraqitje të shkëlqyer duke i realizuar tri gola në fitoren e klubit të tij NK Lokomotiva Zagreb ndaj Slaven Belupo të dielën.

Falë kosovarit, Lokomotiva e Zagrebit i gjeti përsëri rrugën e fitores, pas dy humbjeve radhazi në dy ndeshjet e kaluar, duke e mposhtur Slaven Belupen në udhëtim 5-2 në Ligën e Parë të Futbollit Kroat, raporton Gazeta Express.

Kastrati shënoi golin e parë personal dhe të skuadrës së tij në këtë ndeshje pas 23 minutave lojë, me Datkovic që realizoi për 2-0 vetëm dy minuta para pushimit mes pjesëve.

Ai e nisi pjesën e dytë edhe më furishëm duke e shënuar golin e dytë në minutën e parë të 45 minutëshit të dytë.

Kosovari shënoi edhe një herë rreth shtatë minuta para fundit duke e kompletuar het-trikun e parë për skuadrën e tij.

Goli i pestë për Zagrebin e shënoi Krstanovic vetëm tre minuta më pas.

Pas shtatë xhirove, Lokomotiva Zagreb zë vendin e katërt me 13 pikë në ligën elitare kroate. /Gazeta Express/