Statistika të jashtëzakonshme të Herolind Shalës ndaj Ishujve Faroe

Përfaqësuesja e Kosovës ka marrë fitoren e parë në kampanjën e Ligës së Kombeve.

Ekipi i udhëhequr nga trajneri Bernard Challandes ka mposhtur Përfaqësuesen e Ishujva Faroe me rezultat të pastër 2-0.

Djelmoshat tanë patën paraqitje fantastike në mbrëmjen e së hënës në stadiumin ‘Fadil Vokrri’ para rreth 13 mijë tifozëve.

Por statistika të jashtëzakonshme kishte mesfushori Herolind Shala në takim ndaj Ishujve Faroe.

Faqja e specializuar për statistika të futbollistëve ‘instatscout’, ka publikuar statistikat e Shalës.

Shala ka qenë i jashtëzakonshëm në këtë sfidë, ku nga 83 pasime të bëra në këtë sfidë 93% e tyre ishin të sakta.

26-vjeçari kishte bërë tetë pasime diagonale dhe që të gjitha ishin të sakta 100%.

Shala dhe Kryeziu janë bërë një tandem i shkëlqyeshëm në qendër të mesfushës duke u bërë të pakalueshëm për kundërshtarët.

Kujtojmë që në pesë ndeshjen e fundit Përfaqësuesja e Kosovës ka shënuar katër fitore dhe ka marrë një barazim duke mos pësuar asnjë gol.

Ndeshja ndaj Ishujve Faroe ishte e nënta për Shalën me fanellën e Përfaqësueses së Kosovës.

Muajin tetor, Kosova do t’i zhvillojë dy ndeshjet e ardhshme në Ligën e Kombeve, ndaj Maltës dhe Ishujve Faroe. /Telegrafi/