1 Shtatori – ditë e shenjtë

Nga Demir Krasniqi

1 Shtatori – ditë e shenjtë ,
N’ kalendar është datë e shtrenjtë !
Datë e shtrenjtë , datë madhështore –
Atë ditë hapen dyert shkollore !

Hapen shkollat e lumturisë –
Ia mësyjnë nxënësit diturisë !
Hapen shkollat n’ ditë të gjatë ,
Bankat plot , ma nuk janë thatë !

1 Shtatori – ditë e mbarë ,
Nisen nxënësit n’ klasë të parë !
Abetaren e mbajnë pranë vetit –
I mësojnë shkronjat e alfabetit !

N’ shkolla t’ mesme fillojnë mësimet ,
N’ fakultete fillojnë studimet !…
Kështu sukseset lulëzojnë –
Gjeneratat diplomojnë !

Kështu shkollarët sa të rrojnë –
1 Shtatorin nuk e harrojnë !
E kujtojnë hiq pa ves – ves ,
Me te lidhet çdo sukses !…

Mirë se erdhe 1 Shtator –
Gëzuar Viti i Ri Shkollor !
Me gëzim t’ madh këtë datë e pres –
Të marr mësim , të korrë sukses !

Gjilan, më 01.09. 2018.
Demir Krasniqi