Hysaj e kërcënon Ronaldon: S’të lë të shënosh gol

Mbrojtësi i shqiptar i Napolit, Elseid Hysaj, thotë se nuk do ta lejojë Cristiano Ronaldon t’i shënojë gol Napolit, edhe pse i bëhet qejfi që portugezi është transferuar në Serie A.

Cristiano Ronaldo kompletoi kalimin e tij befasues në Juventus nga Real Madridi për 112 milionë euro në fillim të këtij muaji, me Hysajn që beson se ardhja e tij në Itali do t’i stimulojë kundërshtarët, transmeton Gazeta Express.

Mbrojtësi i Kombëtares së Shqipërisë do të jetë nën urdhrat e Carlo Ancelottit në Napoli këtë sezon. Napoli do të kërkojë të bëjë një hap më tej në kampionat dhe në Evropë.

“Ronaldo nuk do t’i shënojë Napolit. Është lojtar i nivelit të lartë dhe më bëhet qejfi që ka ardhur në Itali pasi na stimulon më shumë. Markimi i tij është një sfidë që më pëlqen. Ne luajmë se grup dhe jo si individë. Një lojtar mund të bëjë diferencën gjatë një ndeshjeje por jo gjithë kampionatin”, ka thënë Hysaj. /Express/