“Skifterat” dhurojnë ndihma humanitare për festat e fundvitit

Gjilan – Është bërë traditë tani e disa vite tifozët e KF Gjilanit, “Skifterat”, edhe në këtë vit për festat e fundvitit kanë shpërndarë për 7-të familje skamnore dhurata, duke ju zbutur sado pak gjendjen ekonomike në prag të festave të fundvitit.

Kësaj iniciative humanitare ju kanë bashkangjitur edhe krerët e klubit, së bashku me shtabin teknik të KF Gjilanit, që sado pak ti begatojnë sofrat e këtyre familjeve skamnore.
“Skifterat”, nuk do të ndalën me kaq ata nesër në agjendën e tyre kanë parapa edhe 100 dhurata për fëmijët me autizëm dhe me nevoja të veçanta. “Skifterat”, për këtë gjest humanitarë dhe solidar u deklaruan se ishte shumë e vështirë t`i shohësh këto familje në këto gjendje, por sado pak me ndihmën që ju dhuruam ju kthyem buzëqeshjen të cilën ju mungonte.

“Skifterat” edhe njëherë dëshmuan se kanë një zemër të madhe të humanitetit dhe solidaritetit që është për çdo lavdat, e këtë shembull duhet ndjekur të gjithë ata të cilat kanë mundësi për ta gëzuar këtë shtresë të popullatës./rajonipress/