Arifi premton përmirësim të jetës për qytetarët vitias

Gjilan – Nexhmedin Arifi ka thënë se buxheti komunal për vitin 2012 është shpenzuar për 94,48 %. Duke folur për vitin 2013 , Arifi u shpreh se institucionet lokale duke bashkëpunuar me qytetarët e saj do të mundohen që ky vit të jetë edhe më i suksesshëm se viti i shkuar.

Me qëllim të informimit të qytetareve në procesin e ekzekutimit të buxhetit komunal për vitin 2012 – 2013 në Viti është mbajtur një takim publik me qytetarët e kësaj komune.

Qytetarët gjatë këtij debati janë ndarë në grupe punuese dhe më pas edhe kanë dhënë rekomandimet e tyre lidhur me shpërndarjen e buxhetit komunal, rritjen e të hyrave vetanake si dhe kanë paraqitur mendimet e tyre për projektet kapitale të cilat janë realizuar në komunën e Vitisë dhe projektet të cilat do të realizohen në të ardhmen.

Në këtë takim përpos qytetarëve kanë marrë pjesë edhe këshilltarët komunal, koordinatorët e fshatrave si dhe ekspert nga lëmi të ndryshme.

Kryetari i Komunës së Vitisë Nexhmedin Arifi duke ju drejtuar qytetarëve vitias tha se buxheti komunal hartohet bashkërisht me qytetarët e saj duke përmendur se gjatë vitit 2011 janë mbajtur 5 diskutime publike ndërsa 10 diskutime publike janë mbajtur gjatë vitin 2012. “Këto diskutime publike janë mbajtur për të marrë opinionin e qytetarëve, mendimet e tyre dhe që shpërndarja e buxhetit të jetë sa ma efikase dhe transparente për të gjitha lokalitete” u shpreh Arifi.

Ai i njoftoj qytetarët lidhur me mënyrën e shpenzimet e buxhetit komunal duke shtuar se përveç investimeve kapitale të cilat janë bërë nga të hyrat vetanake ka pasur edhe donacione të ndryshme të cilat kanë qenë në të mirën e qytetarëve dhe i falënderoj për këtë të gjithë donatorët.

Ai shtoi se buxhetit komunal për vitin 2012 është shpenzuar për 94,48%. Duke folur për vitin 2013 kryetari Arifi u shpreh se institucionet lokale duke bashkëpunuar me qytetarët e saj do të mundohen që ky vit të jetë edhe më i suksesshëm se viti i shkuar.

Arifi shtoi se nevoja për investime kapitale është më e madhe sesa mundësitë buxhetore , por shpresoj se me ndihmën e qytetarëve dhe donacioneve do të përmirësohet jeta e qytetarëve vitias.

Ndërsa zv. Kryesuesi i Kuvendit Komunal Enver Ukshini duke folur rreth angazhimit të këtij kuvendi dhe trupave të saj si Komitetit për Politikë dhe Financa që ka shqyrtuar kërkesat e qytetarëve dhe të cilat më pas janë shqyrtuar si pika të rendit të ditës në Kuvend.” Çdo kërkesë që ka ardhur nga ju qytetarë ne i kemi i kemi shqyrtuar detalisht dhe atë sipas mundësive tona, kemi marrë vendime dhe ato nganjëherë edhe tej mase dhe atë duke marrë parasysh interesin e qytetarëve” u shpreh Ukshini.

Ndërsa përfaqësuesi i projektit LOGOS që ka organizuar këtë takim së bashku me Komunën e Vitisë tha se projekti LOGOS ka mbështetur këtë komunë, por se puna më e madhe është bërë nga vet ajo.

Ai tha se është me rëndësi që qytetarët të jenë të informuar lidhur me procesin e ekzekutimit të buxhetit. Ndërsa më pas Drejtori për Ekonomi Financa dhe Zhvillim në Viti, Islam Jashari ka njoftuar qytetarët lidhur me shpenzimet e buxhetit, ndarjes së saj në kategoritë e ndryshme si dhe i u është përgjigjur pyetjeve të tyre.

Gjatë takimit të sotëm qytetarët e Komunës së Vitisë përveç se janë njoftuar lidhur me procesin e ekzekutimit të buxhetit për vitin 2012-2013 kanë dhënë rekomandimet e tyre si funksionalizimi i projekteve ekzistuese, rritjen e inkasimit të tatimit në pronë dhe kthimin e saj në investimet kapitale, shpërndarjen e drejtë të buxhetit nëpër lokalitetet e ndryshe ,mbikëqyrjen e projekteve, gjobimin e punëkryesve të cilat nuk i realizojnë projektet si duhet si dhe shumë rekomandime të tjera të cilat ndërlidhën ngushtë me mirëqenien e qytetarëve të kësaj Komune./rajonipress/