Vërshohen fshatrat e Karadakut

Gjilan – Blerton Ajeti nga drejtoria për mbrojtje dhe shpëtim tha se si pasojë e shkrirjes së borës në Karadak është vërshuar fshati Lladovë ku shumë familje kanë pësuar dëme meqë uji ka depërtuar në podrume të shtëpive derisa puset-bunarët janë të papërdorshëm për pije.

Pas shirave të rrëmbyeshëm që ranë mbrëmë në Komunën e Gjilanit dhe shkrirjes së Borës në Karadak, është rritur niveli i ujit në pjesën e atyre lokaliteteve, ku si pasojë ka pasur vërshime, e më të theksuara janë në fshatin Lladovë , ku si pasojë e daljes nga shtrati të lumit uji ka arritur të futet në disa podrume të shtëpive dhe në puse tha Blerton Ajeti drejtor për mbrojtje dhe shpëtim.

Ajeti tha se shërbimi i zjarrfikës dhe inspektorati i preventives të hënën pas mesnatës ka dalë në të gjitha lokalitetet, ka përcjell situatën dhe sot në mëngjes kemi dërguar punëtorët që me mundësit tona të bëhet pastrimi i podrumeve dhe mundësisht i puseve, pasi puset janë të mbushura me ujë dhe uji për momentin është jo i përdorshëm për pije.
Ajeti tha se në bashkëpunim me Hidromaravën kemi dërguar një teknik (Cistern) me 7000 litra ujë të pijes.

Ajeti tha se në orët e mbas ditës ka rënë niveli i ujit në lumin i cili kalon në mes fshatit Lladovë. “Në bisedat që kishim menjëherë me Drejtorin e Shëndetësisë dhe Mirëqenies sociale në ditët në vazhdim do të bë bëjmë dhe klorizimin e puseve (bunarëve) që uji të jetë i përdorshëm për pije” tha Ajeti./rajonipress/