Thaçi u frikësohet ministrave të tij

Qeveria Thaçi 2, duket se do ta përfundojë mandatin pa riformatimet e shumëpërfolura. Kryeministri përkundër deklaratave për ndryshime nuk e bëri asnjë veprim të tillë.

Burime të gazetës “Tribuna”, thonë se Thaçi me deklarime ka mbajtur peng individ të zhurmshëm në parti duke i joshur me oferta për pozita.

Kryeministri i Kosovës, me 6 shkurt ka hyrë në vitin e 4 të qeverisjes së mandatit të dytë, ndërsa që nga koha kur e mori këtë mandat e deri më sot, shumë herë ka përmendur çështjen e ndryshimeve në kabinetin qeveritar, por nuk e ka bërë asnjëherë.