Thaçi: Përgjegjësinë për sigurinë e Kosovës e merr FAK!

Kryeministri i Kosovës, Hashim Thaçi gjatë vizitës së e bëri në kazermën e FSK-së “Adem Jashari” në Prishtinë, ka deklaruar se shumë shpejt do të themelohen Forcat e Armatosura të Kosovës dhe se përgjegjësinë e plotë për sigurinë e Kosovës ta marrin Forcat e Armatosura të Kosovës.

“Siç e dini në përvjetorin e 6 të shpalljes së pavarësisë paralajmërova për hapin e ardhshëm, të shpejt të Qeverisë së Kosovës avancimin e FSK-së. Na ndan një kohë shumë e shkurtër nga themelimi i Forcave të Armatosura të Kosovës.

Forcat e Armatosur të Kosovës do t’i kenë të gjitha kapacitetet e mbrojtjes. Do të zhvillohen ashtu që të jenë të gatshme që të mbrojnë sovranitetin dhe integritetin territorial të Republikës së Kosovës” është shprehur Thaçi.

Ai ka shtuar se FSK-ja mund të krenohet me shumë të arritura të saj, ndërsa tani duhet të ndërrohet misioni, struktura dhe mandati. “Është koha kur ne duhet të marrim përgjegjësinë e plotë për sigurinë e shtetit tonë. Kjo nënkupton ndryshime të rëndësishme në mandatin, misionin, madhësinë dhe strukturës e FSK-së”, ka deklaruar Thaçi./zeri/