Nis bashkëpunimi mes UBT-së dhe Universitetit të Freibergut

Prishtinë – Me qëllim të zgjerimit të bashkëpunimit ndëruniversitar, profesori i njohur gjerman Thomas A. Bier nga Universiteti i Freibergut, po qëndron në Republikën e Kosovës nga data 17 deri më 20 shkurt, me ftesë të Presidentit të UBT-së, Edmond Hajrizi.

Presidenti i UBT-së, Edmond Hajrizi dhe Drejtori për Çështje Akademike, Ibrahim Krasniqi, gjatë ditës së sotme, pritën në një takim të veçantë Thomas A.Bier, me të cilin kanë biseduar për ndërlidhjen e sektorit të arsimit universitar në mes të UBT-së dhe Universitetit të Freibergut, si dhe mundësitë e rritjes së bashkëpunimit të ndërsjellët, me qëllim për zgjerimin e bashkëpunimit në mese dy institucioneve universitare, për shkëmbimi të dijës, përvojave, dhe për ngritjen e bashkëpunimit sidomos në pjesën e punës praktike-laboratorike.

Presidenti i UBT-së, Hajrizi, para mysafirit me theks të veçantë ka folur për zhvillimet dhe të arriturat e UBT-së dhe ka shprehur interesimin të zgjerimit të bashkëpunimit me partnerë nga Gjermania.

Thomas A. Bier, është impresionuar nga faktet e treguara dhe gjetën mirëkuptimin e bashkëbiseduesve për ta shtrirë bashkëpunimin sa më parë.

Profesori Bier, para studentëve të UBT-së, ligjëroi për bazat e materialeve konstruktive

Bier, përveç takimeve të cekura si më lartë, gjatë ditës së sotshme para studentëve të Fakultetit të Arkitekturës dhe Fakultetit të Ndërtimtarisë dhe stafit akademik të UBT-së si dhe të interesuarve tjerë, mbajti edhe një ligjëratë me temën ”Bazat e materialeve konstruktive ndërtimore dhe zhvillimi i tyre historik “.

Të pranishmit e kësaj ligjërate patën rastin të marrin informata nga zhvillimi i materialeve të ndërtimit dhe teknologjisë së prodhimit të tyre si dhe aplikimin e tyre në projektet ndërtimore.

Poashtu u prezantuan edhe rezultate nga projektet e ndryshme hulumtuese shkencore në lidhje me tematikën si dhe standarde të ndryshme ndërkombëtare për kualifikimin e cilësisë së materialeve ndërtimore pas ligjëratës u zhvillua një debat me profesorin nga ana e të pranishmeve .

Bier, përveç takimeve dhe vizitës që i bëri UBT-së në Prishtinë, ai gjatë qëndrimit të tij në Kosovë, me 19 dhe 20 shkurt do të vizitoj edhe Kampusit të ri universitar në Lipjan, dhe qytete tjera në Kosovë./rajonipress/