DKA e Universiteti Publik i Gjilanit nënshkruajnë marrëveshje bashkëpunimi

Gjilan – Është nënshkruar sot një marrëveshje bashkëpunimi në mes Drejtorisë Komunale të Arsimit në Gjilan dhe Universitetit Publik i Gjilanit.

Marrëveshja, e cila u nënshkrua nga drejtori i Arsimit, Nazmi Musa dhe rektori i këtij Universiteti, Arben Dermaku është bërë me qëllim të bashkëpunimit strategjik në realizimit e plan programeve të Fakultetit të Edukimit për mbajtjen e mësimit praktik për studentët nëpër shkolla të mesme të ulëta dhe të larta

Drejtori i DKA-së, Nazmi Musa çmoi lartë bashkëpunimin në mes të dy institucioneve që është në dobi të ngritjes profesionale dhe cilësisë në arsimin e shkollave tona.

Rektori i Universitetit Arben Dërmaku, ka falënderuar zotin Musa për bashkëpunimin, duke u mbështetur në atë se qëllimi i këtyre dy institucioeneve është i përbashkët./rajonipress/