Batalioni, “Thaçi 2 “

Qeveria e kryeministrit Hashim Thaçi thyen rekordin për nga numri i madh i zëvendësministrave me 41 sish, ndërkohë që po e përfundon mandatin pa emëruar një zëdhënës të ekzekutivit. Me gjithsej 19 ministri, plus një ministër pa portofol e gjashtë zëvendëskryeministra, qeveria “Thaçi 2” shpenzon miliona euro vetëm për t’i mbajtur zëvendësministrat, të cilët nëpër disa dikastere janë edhe nga tre, në disa nga dy dhe një.

Vetëm për pagat e zëvendësministrave, që sillen deri në 1250 euro, nga buxheti i Kosovës “vilen” mbi gjysmë milioni euro, por kur kësaj shumë ia shtojmë edhe benificionet që gëzojnë ata për udhëtimet zyrtare jashtë shtetit, mallra e shpenzime, shoferë, asistente, veturë, këshilltarë e çka jo tjetër, atëherë nga arka e shtetit shpenzohen miliona euro….(Zëri)