Sinani nuk e do xhipin e vozitur nga Surdulli

Kamenicë – Kryetari i komunës së Kamenicës, Begzad Sinani, ka mbajtur mbledhje me drejtorët e drejtorive komunale, ushtruesit e detyrave të drejtorive, si dhe disa zyrtarë të dikastereve të ndryshme.Rreth xhipit që është vozitur nga ish kryetari Surdulli, Sinani ka thënë se ky komoditet i tepërt nuk do të jetë në një komunë të vogël e aq ma pak me një papunësi që arrin në 45 %, dhe tjetra është se ky xhip krijon shpenzime të mëdha karshi buxhetit që posedon komuna e Kamenicës.

Në këtë takim Sinani me drejtorët kanë biseduar për përgatitjen e dokumentacionit, procedurat e blerjes së veturës zyrtare, aset i Komunës deri në heqje/ shitje.

Pastaj është folur edhe për procedurat dhe Vendimin lidhur me pavarësimin e Njësisë NPK (Higjiena) sh.a Kamenicë), vendimi lidhur me dhënien në shfrytëzim të tokës bujqësore- bahçen, propozimi për themelimin e Komiteteve të Përhershme: Komiteti për Politikë e Financa dhe Komiteti për Komunitete, funksionimi më efikas i DPKGJ-së, pastaj është dhënë një njoftim lidhur me banesat për banim, sipas ligjit për programe të veçanta të banimit, shqyrtimi i mundësisë për hapjen e pikës kufitare Svircë – Medvegjë etj.

Kryetari i komunës së Kamenicës, Begzad Sinani, tha se bashkëpunimi nuk do të mungojë as me drejtorët e drejtorive komunale, por as me shërbyesit civil, pa dallim subjekti politik. ”Ne nuk do t’i shikojmë ngjyrimet politike, këtu është institucion dhe do të punojmë të gjithë për të mirën e qytetarëve “ ka thënë kryetari Sinani.

Ndërkaq, rreth xhipit që është vozitur nga ish kryetari Surdulli, Sinani ka thënë se ky komoditet i tepërt nuk do të jetë në një komunë të vogël e aq ma pak me një papunësi që arrin në 45 %, dhe tjetra është se ky xhip krijon shpenzime të mëdha karshi buxhetit që posedon komuna e Kamenicës.

Lidhur me pavarësimin e njësisë NPK ( Higjiena) sh.a Kamenicë, për këtë pikë foli Fisnik Kastrati, i cili ishte edhe anëtarë i komisionit. Ai ka thënë se përkundër takimeve që kanë pasur me Ministrinë e Zhvillimit Ekonomik , për regjistrimin e ndërmarrjes së re publike lokale, kjo deri më tani nuk ka ndodhur, po ashtu, ai njoftoj se edhe përkundër vështirësive që ekzistojnë për grumbullimin e mbeturinave, pasi që stafi nuk është i kompletuar, edhe mjetet nuk janë të mjaftueshme për mbledhjen e mbeturinave.

Konsiderohet se Higjiena është në një nivel të kënaqshëm. Sa i përket lëndës- Vendimi lidhur me dhënien në shfrytëzim të tokës bujqësore të ndërmarrjes “ Agroprodukt”- bahçen, mbeti që kjo lëndë të rishqyrtohet dhe të diskutohet edhe një herë, pas kompletimit të sajë nga shërbimi profesional i Kuvendit.

Po ashtu, edhe propozimi për themelimin e komiteteve, të obligueshme, si: Komiteti për Politikë e Financa dhe Komiteti për Komunitete , ndërsa më vonë edhe atyre jo të obligueshme. Mirëpo edhe kjo pikë e rendit të ditës në bashkëpunim me kryesuesin e Kuvendit, Bajram Dërmakun, do të shikohet mundësia për formimin e këtyre komuniteteve sa më parë.

Kurse për njoftimin lidhur me banesat për banim, sipas ligjit për programe të veçanta të banimit, u tha që të formohet një komision prej tre anëtarësh, të verifikohen të gjitha dëmtimet në këtë banesë, të bëhet rregullimi i sistemit të kanalizimit, ujësjellësit, rregullimi i energjisë, si dhe të caktohen dy rojtarë të cilët do ta mbikëqyrin 24 orë./rajonipress/