Inspektorët e MASHT inspektojnë shkollat e Kamenicës

Kamenicë – Të hënën në ditën e parë të javës në ora 7 e 30 minuta Inspektorët e Arsimit Rajonal të Gjilanit kanë vizituar katër shkollat e qytetit të Kamenicës.

Fillimi i vizitave ishte verifikimi-konstatimi i kushteve higjienike në shkolla, si dhe fillimi i punës për nxënës dhe mësimdhënës në ndërrimin e paradites.

Inspektorët hynë nëpër të gjitha mësonjëtoret për të pa vetë gjendjen faktike të higjienës dhe mirëmbajtjes së tyre.

Ata theksuan se këso vizita do të bëhen në të gjitha shkollat e komunës sonë, për të ruajtur kontinuitetin e vazhdueshëm të punës institucionale.

Këto vizita kanë karakter të angazhimit dhe rritjes së cilësisë në punën e përditshme që behet në arsimin e Kamenicës./rajonipress/