Arrestohen dy serb të Pasjanit për asgjësim të dokumenteve

Gjilan – Policia e Gjilanit ka arritur të arrestojë në Pasjan Miodrag Guzhviq dhe Momqillo Janqiq për shkak të pengimit të procesit të votimit dhe asgjësimit të dokumenteve të votimit të cilësuar tashmë si shkaktimi i rrezikut të përgjithshëm. Arrestimin e ka konfirmuare dhe zëdhënës i policisë Ismet Hashani.

Më datën 1 dhjetor diku rreth orës 20:30 pas mbylljes se qendrës së votimeve në Shtëpinë e Kulturës në Pasjan , dy të dyshuarit Miodrag Guzhviq dhe Momqilo Janqiq me ndihmën e disa qytetarëve lokal kanë hyrë me dhunë në objektet e qendrës së votimit në Pasjan dhe në kohën derisa komisionarët e asaj qendre bënin numërimin e votave këta të dyshuar kanë filluar që ta demolonin dhe t`i shkatërronin dokumentacionin dhe kutitë e votimit të cilat dikur edhe kishin arritur disa prej kutive të votimeve edhe t`i ndiznin tha Ismet Hashani për rajonipress.

Hashani tha se është njoftuar policia me kohë dhe është intervenuar atje ku prezent ka qenë edhe prokurori i shtetit dhe janë ndërmarrë të gjitha veprimet e duhura hetimore fillestare. Që të dy të dyshuarit për veprimet e tyre të kundërligjshme nga ana e prokurorit të kësaj çështje janë ndaluar për 48 ore dhe të njëjtëve u është lëshuar aktvendimi mbi personin e ndaluar.

Hetime vazhdojnë ditën e nesërme me procedurat paraprake tha Hashani./rajonipress/