PDK në Viti ndërprenë aktivitetet zgjedhore

Viti – Shtabi Zgjedhor i Degës së PDK-së në Viti, me pikëllim dhe keqardhje më të thellë morëm lajmin lidhur me tragjedinë e sotme të ndodhur në KEK.

Në emër të të gjithë anëtarëve dhe strukturave të PDK-së, në Viti, shprehim ngushëllimet më të sinqerta familjeve, me rastin e vdekjes së më të dashurve të tyre.

Të lënduarve në tragjedinë e sotme u dëshirojmë shërim dhe rehabilitim sa më të shpejtë.

Shtabi Zgjedhor i Degës së PDK-së në Viti, që nga momenti i marrjes së këtij lajmi, ka ndërprerë të gjitha aktivitetet zgjedhore, sipas agjendës së paraparë./rajonipress/