Ndahet nga jeta Xhemajl Murati Tupalla

Gjilan – Është ndarë nga jeta këtë të shtune Xhemajl Murat Tupalla njëri nga themeluesit e Ballit Kombëtar Demokrat të Kosovës.

Gazmend Islami kryetar i Ballit Kombëtar Demokrat ka shkruar se ka marrë me pikëllim të thellë lajmin për vdekjen e z.Xhemajl Murati Tupalla, një nga themeluesit e Ballit Kombëtar Demokrat të Kosovës.

Puna intelektuale dhe vepra e tij do të mbeten kujtimi më i mirë, si veprimtarë i çështjes Kombëtare Xhemajl Murati Tupalla do të mbahet mend me personalitetin e tij, ndërsa vepra e tij do t’ju shërbej brezave që do vijnë në vazhdim.

Andaj bashkëndjejmë dhimbjen me familjarët dhe të gjithë ata që e njohën z. Tupalla, Me këtë rast, duam që me fjalët që burojnë nga zemra të ndajmë dhimbjen bashkë me ju, duke qenë të bindur se si gjithnjë deri më sot, familja juaj do të qëndrojë e fortë dhe do ta përballojë këtë humbje të madhe.

Qoftë i përjetshëm kujtimi për jetën dhe veprën e Xhemajl Murati Tupallës ka shkruar Kryetari i Ballit Kombëtar Demokrat Gazmend Islami./rajonipress/