Duelin e shqiptarëve në Serie A e fiton Napoli

Takimi mes Napolit dhe Lazios i ka takuar napolitanëve të Valon Behramit dhe Blerim Xhemailit.

Napoli mposhti Lazion e Lorik Canës e Etrit Berishës me rezultatin 4 me 2. Në fushë u paraqitën dy lojtarët e Lazios dhe Behrami në anën e vendasve.

Më fatkeqi nga të tre ishte kapiteni kuq e zi që u ndëshkua me kartonin e kuq në minutën e 50-të dhe u detyrua të lë fushën më herët.

Gjakovari u ndëshkua me kartonin e parë të verdhë në minutën e 13-të dhe në të 49-ën shkaktoi penalti e u ndëshkua me kartonin e dytë të verdhë.

Lazio ishte e para në epërsi kur Lulic shënoi në minutën e 21-të.

Për të rikthyer duelin në favor të skuadrës së Rafa Benitezit u përkujdesën Mertens që barazoi në minutën e 41-të dhe Higuain që shënoi dy herë për epërsinë 3 me 1.

8 minuta para fundit për të ngushtuar epërsinë u përkujdes Onazi por kjo nuk ishte e gjitha nga dueli shqiptar brenda Italisë. Në fund të takimit Higuain shënoi për rezultatin përfundimtar e duke përmbyllë takimit me hat- trick.

Napoli mban pozitën e tretë dhe është larg nga Fiorentina si e katërta në 9 pikë e me 5 xhiro deri në fund. Napolitanët nuk kanë shpresë për pozitën e dytë pasi që Roma ka krijuar distancë të pakapshme.

Lazio në anën tjetër është në pozitën e 7 me pesë pikë më pak se Inter që gjendet në pozitën e pestë e cila dërgon në Europa League.

Rezultatet tjera të takimeve të zhvilluara në ora 15:00 janë:

Bologna 1 – 1 Parma
Livorno 2 – 4 Chievo
Napoli 3 – 2 Lazio
Sampdoria 0 – 4 Inter
Torino 2 – 1 Genoa
Verona 3 – 5 Fiorentina