Het trik i Ismet Ramushit

Gjilan – Nuk shënuan më shumë se një gol në pesë ndeshje e përnjëherë Drita ia doli të shënojë tre gola, edhe atë nëpërmjet qendërsulmuesit Ismet Ramushi. Në këtë ndeshje ka shpërthyer edhe Mentor Zhdrella, që ishte në elementin e tij, derisa mysafirët nga Fushë Kosova u ngjitën për fundin e tabelës dhe me drojë presin xhirot në vazhdim. Shënues: Ismet Ramushi 21’ (nga penaltia), 65’, 90’. Drita – Fushë Kosova 3:0 (1:0).

Stadiumi i Qytetit në Gjilan. Shikues: 800. Arbitra: A. Tahiri, A. Peshteri, M. Qehaja, S. Isufi. Shënues: Ismet Ramushi 21’ (nga penaltia), 65’, 90’. Kartoni i verdhë: B. Shabani, Islami – Muqiqi, Beqiri, Sermaxhaj.

Drita: Latifi, Ramushi, Kelmendi, Prekopuca (Xh. Shabani), Zhdrella, Limani, Islami, Bërbatovci (Hasani), Gashi (Rexhepi). Trajner: Arbnor Morina.

Fushë Kosova: Neziri, Pevqeli, Dumani, Muqiqi, Beqiri, Pllana (Shala), Sermaxhaj, Muja, Hajdini, Mavriqi (Bushi), Haliti (Dragusha), Trajner: Sami Sermaxhaj.

Nuk shënuan më shumë se një gol në pesë ndeshje e përnjëherë Drita ia doli të shënojë tre gola, edhe atë nëpërmjet qendërsulmuesit Ismet Ramushi. Në këtë ndeshje ka shpërthyer edhe Mentor Zhdrella, që ishte në elementin e tij, derisa mysafirët nga Fushë Kosova u ngjitën për fundin e tabelës dhe me drojë presin xhirot në vazhdim.

Vendasit për herë të parë kanë shënuar nga pika e bardhë, pasi që në minutën e 20, ishte Mavriqi që ndërhyri në Gashin e vendasve dhe përgjegjësinë për të gjuajtur dënimin më të rëndë e mori Ismet Ramushi. Ai me urti ka gjuajtur në këndin e majtë të poshtëm të portës, e portieri mysafir u hodh në anën e djathtë, atje ku nuk ishte topi. Në pjesën e parë rast të mirë për vendas pati edhe Bërbatovci në minutën 40 dhe Muja e mysafirëve që nuk e qëlloi topin si duhet.

Në pjesën e dytë, në minutën 64 Drita pati rast të shënojë, por Kelmendi edhe pse e kaloi edhe portierin, nuk ia doli të shënojë, ngase nga vija e portës topin e dëboi Beqiri. Një minutë më pas, B. Shabani ka shpërthyer nga e majta, harkoi mirë për Ramushin e ky nga afërsia e futi topin në rrjetën e zbraztë. Në minutën 68, rast të mirë pati edhe Muja i mysafirëve, por shumë i mirë u tregua Latifi, që e ndali topin me dorë. Mysafirët e fituan një penalti në minutën e 74, kur Syla nga prapa e ndali Hajdinin.

Zëvendësuesi Gashi, mori përgjegjësinë dhe qëlloi ngathtë, ngase topin e dërgoi shumë lart mbi portë.

Drita shënoi edhe një gol në fund të ndeshjes, kur Ismet Ramushi e vodhi një top nga mbrojtja mysafire dhe nga afërsia shënoi het trikun e tij të parë këtë stinor.

Thanë pas ndeshjes:

Arbnor Morina (Drita): “Edhe në këtë takim u vërtetua se Fushë Kosova është ekip i mirë. Ne e ndërruam konceptin e lojës dhe dhamë një lojë të pëlqyeshme dhe e arritëm një fitore bindëse”.

Sami Sermaxhaj (Fushë Kosova): Jemi keq me pikë, Ishte lojë me tension, sidomos për ne. Drita ishte ekip më i mirë dhe fitoi me meritë e Zhdrella sërish ishte i pakapshëm për ne dhe dëshmoi se është lojtar i një niveli tjetër”. /rajonipress/