Iluzioni, Demarkacioni, Misioni!…

Nga Beqë Cufaj – I.Në tavolinën e punës e kam qe sa kohë një libër. Dhuratë nga një mik i mirë. Aq i mirë saqë e kam zor ta “hedhi” në morinë e kaosit apo rendin e harresave në vitrina. Por a lexohet një libër që mban titullin: “Kosova- a Monographic Survey” (Kosova- një Studim Monografik).Botim i Akadamisë së Shkencave dhe Arteve.Viti 2013.

I.

Në tavolinën e punës e kam qe sa kohë një libër. Dhuratë nga një mik i mirë. Aq i mirë saqë e kam zor ta “hedhi” në morinë e kaosit apo rendin e harresave në vitrina. Por a lexohet një libër që mban titullin: “Kosova- a Monographic Survey” (Kosova- një Studim Monografik).Botim i Akadamisë së Shkencave dhe Arteve.Viti 2013.

Librat që janë “studime” thjesht nuk lexohen. E tëra që njeriu me këto gjëra bën: studiohet, konsultohet, shfletohet pjesë- pjesë… etj. Gjë që pak a shumë edhe e kam bërë. Dhe s’kam çfarë të them: një libër me kopertina të zeza që është për faqe të zezë. Një libër që s’ka të bëjë asgjë as me kohën që e jetojmë as me kohën që ai nënqiell (Kosove!) e ka kaluar. Një libër në të cilin historia, shkenca, kultura, arsimi… ah! çdo gjë, nis ftillon në Ilirinë e Moçme dhe përfundon në vitin 1991- nganjëherë 1999 dhe pak fare pak në vitin 2008.

Një libër për faqe të Zezë i cili s’ua bën fijen e nderit as botuesve të tij e të mos flas për autorët në të.6 minuta më parë Dorëzohet peticioni për lirimin e Ramush Haradinajt Por edhe një libër i rëndësishëm: sepse (sidomos) ky botim tregon se ku(sh) është Kosova. Një vend i prangosur në robërinë mendore të së kaluarës (personale) të Academician-ëve dhe Analfabetianëve që i kanë aty: çdo ditë e në çdo hap që e jetojnë.

Çfarë iluzioni! Iluzion që të besohet se në kapërcimin e madh mes kohës (Jugosllavisë!) së Titos, robërisë së Milosheviqit dhe lirisë së arritur nga fëmijët e rritur në robëri- UÇK, intelektualët e ri, të Kosovës a ata të shkapërderdhur nëpër PERËNDIM, se këta Akademcian-ët që tash janë plakur dhe janë mbyllur në atë Anijen e tyre kozimike që ua ka ndërtuar Hashimi, të del një libër hajri.Çfarë iluzioni të besohet që për Kosovën bëjnë libër ata që kur kanë parë dritën e (nën)qiellit s’ka qenë as qiell Kosove!Një iluzion që e shpjegon dokumentari i ARTE me titullin kaq domethënës: Iluzioni Jugosllavi!Iluzioni që disa Academician-ë të Kosovës që ishin dhe janë prodhim i Iluzionit (Jugosllavi) të bëjnë Monografi për krejt Kosovën dhe kohërat e saj.

II.

Në vazhdën iluzore njeriu nuk ka si të çuditet as habitet kur sheh KryeAcademician-in e Kosovës të veshur me kapotë zhguni, mbathur me çizme prej llastiku, një kërrutë në duar duke i shkuar cep më cep një vendi të vogël në po cep të Europës me sprovën që t’ia masë kufirin!Centimetër për centimetër.Dhe pa u vonuar shumë, posa i ikin të rinjtë (gjeografët) KryeAcademician-i shkon atje ku ka shkuar gjithmonë (tek Qeveria) dhe bashkë me këtë (Qeverinë) dalin para popullit dhe thonë: po kufiri është ky! Ky që po thotë Qeveria. Jo ai në të cilin janë rritur banorët e asaj anëve: qytetarë, intelektualë, deputetë!Guxoj ta bëj një prognozë. Le ta firmosin dhe votojnë që kufiri t’u shkon edhe deri në Burojë a Prapshticë: por viza s’do të marrin këtë vit!

III.

Një drekë me Ramushin e Konsullin e Kosovës.Dhe pasdrekë me Ramushin në Strasbourg.Nuk dua ta pyes për durimin dhe qetësinë që po ruan në një situatë e cila ka krijuar aq shumë situata sa veç një Proces i Franc Kafkës do të mund të “ndihmonte” ta shpjegojë absurditetin.Rrugëve e tarracave të Straßbourg-ut dua të mësoj vetëm një gjë nga ai: cili është Misioni i tij?A ka Mision? Më thotë që këtë.. do ta mësoj posa të kthehet në Atdhe! /CUFAJ.COM