Ri-shfaqet Isa Mustafa, ironizon me Thaçin – e quan Babadimër

Kryetari i LDK’së është ri-shfaqur nga heshtja e tij. Ai ka ironizuar me Kryeministrin Hashim Thaçi, në lidhje me vendimin e tij për rritje të pagave “Hashim Thaçi si Babadimri. Premton dhurata kah sillet!”, shkruan Mustafa në facebook.

Sjelljet dhe premtimet të këtillat pa mbulesë financiare e quan Greqinë në bankrot katastrofal dhe krizë të thellë ekonomike e financiare por edhe disa vende të tjera evropiane, paralajmëron konomisti Isa Mustafa.

“Kryeministri ynë në largim nuk ka të drejtë të krijon obligime pa mbulesë. Shërbyesit civil meritojnë tu rriten pagat, meritojnë arsimtarët, mjekët, policët, pjesëtarët e FSK-së, gjyqtarët, prokurorët”, shkruan Mustafa në Facebook.

“Meritojnë të kenë kujdesin e shtetit, i cili menxhon me tatimet e mbledhura nga qytetarët. Meritojnë të sëmurit nga leukemia e të sëmurit e tjerë, meritojnë pensionistët. Meritojnë të kenë punë ata që janë të papunë dhe ky është obligim meritor i Kryeministrit të një vendi”, thotë Mustafa.

Sipas tij, Kryeministri Thaçi nuk është Babadimër, sepse, as skamja as sëmundja dhe as papunësia nuk ndodhin vetëm në kohë të fushatës, por në këtë kohë duket se kemi skamje të ndërgjegjes së Kryeministrit Thaçi, i cili po manipulon me publikun.

“Edhe ky është një argument se ai duhet të largohet sa më shpejtë me këtë qeverisje të keqe”, përfundon postimin e tij në facebook Mustafa.