Ahmeti: Të ulen pagat e politikanëve

Kryetari i Prishtinës, Shpend Ahmeti, përveç që është kundër rritjes së pagave të atyre që kanë poste politike, ai madje kërkon që të ulen pagat e tyre aktuale. Në rrjetin social Facebook Ahmeti ka shkruar se paga më e madhe duhet të jetë jo më e madhe se tri herë paga mesatare.

“Kësisoj do të krijohej një fond shumë më i madh por edhe do të kishte motiv për deputetët dhe qeveritë qendrore dhe lokale të punojnë për rritjen e pagës mesatare”, shkruan ai. /Telegrafi/