Mustafi në planet e Juventusit

Juventusi tashmë po planifikon t’i konsolidojë akoma më mirë radhët e veta, ndërsa italianë synojnë që një gjë të tillë ta bëjnë edhe me mbrojtësin shqiptar, Shkodran Mustafi. Kështu ka raportuar e përditshmja sportive italiane, ‘Tuttosport’. Mustafi ka lënë përshtypje të mira me paraqitjet e tij për Sampdorian, dhe në saje të kësaj u ftua në Kombëtaren gjermane nga përzgjedhësi, Joachim Loë.

Ai nuk luajti fare kundër Kilit, por fakti që u ftua, tregon se Loë llogarit në shërbimet e tij. Raportohet se për Mustafin Juventus është i gatshëm të ofrojë gjysmën e kartonit të pronësisë së sulmuesit Manolo Gabbiadini, aktualisht një prej futbollistëve kryesor tek Sampdoria, i huazuar nga kampioni italian.

Ndryshe, futbollisti së fundmi është ftuar nga Përfaqësuesja ‘A’ e Gjermanisë. Ai më parë ka luajtur për grupmoshat e reja të këtij vendi, duke filluar nga U16, U17, U18, U19, U20 dhe U21. Në total Mustafi ka realizuar 11 gola. Ai më parë ka luajtur edhe për Evertonin dhe Hamburgun.