Arrestime në Gjilan e Viti, prangosen të kërkuarit e Gjykatës

Gjilan – Sipas policisë së Kosovës në dy ditët e fundit në bazë të urdhëresave të lëshuara nga Gjykata e Gjilanit dhe Vitisë janë arrestuar tre shqiptarë të cilët kërkoheshin një kohë të gjatë dhe janë dërguar në vuajtje të dënimit në Dubravë dhe Smrekonicë.

Në rastin e parë është arrestuar një shqiptar në Gjilan në bazë të urdhëresës së lëshuar nga Gjykata dhe i njëjti është dërguar në vuajtje të dënimit në burgun e Dubravës në kohëzgjatje prej katër viteve.

Kurse në rrugën “Mulla Idrizi” gjithashtu në Gjilan në bazë të urdhëresës së lëshuar nga Gjykata është arrestuar i dyshuari mashkull shqiptar dhe i njëjti është dërguar në vuajtje të dënimit në burgun e Gjilanit në kohëzgjatje prej 10 dite.

Edhe në fshatin Smirë të Vitisë në bazë të urdhëresës së lëshuar nga gjykata është arrestuar i dyshuari mashkull shqiptar dhe i njëjti dërgohet në vuajtje të dënimit në burgun e Smrekonicës./rajonipress/