4 vjet burg kosovarit për tentim vrasjeje të ish bashkëshortes

Gjykata e lartë e Thurgaut në Frauenfeld i ka vërtetuar dënimin me katër vjet heqje lirie një kosovari 45 vjeçar për veprën penaletentim vrasjeje. Personi në fjalë, në vitin 2010 i shtyrë nga xhelozia, e ka goditur dhe përplasur disa herë me kokëpër tokë ish gruan e tij, e ka ngufatur atë dhe ia ka shkulur me dhunë një tufë flokësh.

Para kësaj, ai i kishte dërguar ish bashkëshortes së tij shumë mesazhe telefonike. Pas kryerjes së aktit të dhunës, dorasi kishte pranuar se kishte qenë “relativishtbrutal” ndaj ish gruas.

Më vonë ai kishte deklaruar se nuk i kujtohej t`ia ketë përplasur kokë në dysheme, shkruan tagblatt.ch.

Kosovari ka kaluar plot 338 ditë në burgun për hetime. Sipas gjykatës së lartë nuk ka asnjë arsye që dënimi të shqiptohet me kusht.

Fakti se ai duke vuajtur dënimin do të humbë vendin e punës, është një konsekuencë nga e cila preket secili person i punësuar që dënohet me një dënim të rëndë.

I dënuari 45 vjeçar para se të ikte në Zvicër kishte shërbyer si ushtar në njësitë elite ushtarake të Ish Jugosllavisë.