Hidromorava

Zyrtarja e lartë e USAID-it viziton projektin e E-Kioskut në Pozheran

/ 1 minutë lexim

Viti – Ana Luisa Pinto, zyrtare e lartë e USAID-it amerikan, zyra qendrore në Washington, në vazhdën e vizitave që po i bënë projekteve të realizuara nga USAID-i në Kosovë, ka qëndruar sot në mesditë edhe në Pozheran.

Ajo e shoqëruar edhe nga Drejtori i Programit të USAID-it për të Drejtat Pronësore Brian Kemple, është pritur aty nga kryetari i komunës së Vitisë Sokol Haliti, kryesuesi i Kuvendit Naim Pira, me që rast kanë vizituar E-Kioskun e vendosur në Pozheran.

Uji Dea

Ky shërbim elektronik i cili është në dispozicion për të gjithë qytetarëve të Republikës së Kosovës, është financuar nga USAD-i amerikan në kuadër të Programit për të Drejtat Pronësore dhe dokumentet mund të tërhiqen nga aty në çdo kohë.

Certifikatat e pronës mund të tërhiqen vetëm nga banorët vitias kurse dokumentet e gjendjes civile mund të tërhiqen nga të gjithë shtetasit Kosovar me letërnjoftim të vlefshëm të lëshuar nga Ministria e Punëve të Brendshme të Republikës së Kosovës./rajonipress/