Zyrtari nga Artana akuzohet për keqpërdorim të pozitës apo autoritetit zyrtar

Gjilan – Sherif Vllasaliut zyrtar i shërbimit të gjendjes civile në Novobërdë i është ngritur aktakuza nga ana e Prokurorisë së Gjilanit për veprën penale keqpërdorim i pozitës apo autoritetit zyrtar.

Vllasaliu akuzohet sepse me datën 09.08.2019 ka keqpërdorur detyrën dhe autoritetin zyrtar, në atë mënyrë që me rastin e kryerjes së detyrës së tij zyrtare ka vepruar në kundërshtim me udhëzimin administrativ, duke regjistruar palë në kundërshtim me ligjet në fuqi, ashtu që i njëjti Sllobodan Arsenijeviq është regjistruar në bazë të kopjes së letërnjoftimit të lëshuar me datën 11.09.1989 përkundër faktit se i njëjti e ka ditur se nuk e ka vendbanimin dhe nuk jeton në Republikën e Kosovës, por jeton në Serbi, duke ia mundësuar të njëjtit përfitimin nga skema pensionale, me rast i shkakton dëm material buxhetit të Kosovës thuhet në aktakuzën e Prokurroisë së Gjilanit./rajonipress/