Zyrtarët janë të sëmurë pas luksit

Institucionet e Kosovës i kanë paraparë t’i shpenzojnë plot 3 milion euro në vetura të reja.

Analistët politik thonë se sëmundja e zyrtarëve të Qeverisë së Kosovës, por edhe kryeqytetit për blerjen e veturave të shtrenjta, është sëmundje e politikanëve biznesmenë të cilët nuk e shohin si profesion të gjatë politikën, por si rrugëtim afatshkurtër për përfitime personale, shkruan Kosova Sot.

Varësisht sipas shijes së zyrtarëve, këto vetura janë të tipave të ndryshëm dhe nga më të shtrenjtit. Aq janë shtrenjta saqë përveç shpenzimeve ditore, edhe kostoja e servisimit kushton marrëzisht shumë.

E përveç Qeverisë, edhe komuna e Prishtinës si institucion i nivelit lokal në kaçikun e vet ka arritur piramidën e luksit automobilistik të markës “Audi” dhenjë “Audi Q7” që i takonte kryetarit të deritanishëm Isa Mustafa.